Pak para se të mbyllej viti 2020, Greqia miratoi në Parlament zgjerimin me 12 milje në detin Jon.
Ndërkohë kjo çështje është diskutuar për të parën herë në Komisionin Parlamentar të Çështjeve të Jashtme dhe Mbrojtjes Kombëtare.
Drafti u votua sot në parim në Komision, ndërsa pritet të kalojë në Parlamentin grek më datë 19 janar.
Në Komision mori pjesë edhe ministri i Jashtëm i Greqisë Nikos Dendias, i cili mbajti një fjalë gjatë seancës.
Dendias tha:
Është hera e parë që nga viti 1947 që Parlamenti grek thirret për të votuar zgjerimin e territorit kombëtar sovran. Një ditë empatie, solidariteti, pajtimi dhe konsensusi kombëtar.
Një nga mundësitë rralla në jetën e një deputeti, një ministri. Jam thellësisht i prekur, faleminderit shumë për pozicionin tuaj që i shërben interesit kombëtar.
Është një e drejtë e patjetërsueshme të Greqisë për të rritur ujërat territoriale në Detin Jon në Kepin Tainaro nga 6 milje detare në 12.
Do të rrisë sipërfaqen e sovranitetit kombëtar me 10,079 kilometra katrorë dhe nëse dikush merr parasysh zonën e krijuar nga mbyllja ligjore e gjireve, sipas ligjit ndërkombëtar, ajo tejkalon 13,000 kilometra katrorë.
Burimi: greek city
