Nexhat Rama, 40 vjeç u gjet i vrarë në Itali dhe vrasësi është 53-vjeçari Cristiano Mossali, mekanik në zonën e Palazzolo-s.
Autoritetet italiane kanë zbuluar detaje të reja për vrasjen e shqiptarit nga Kosova, duke bërë të ditur se shkak për këtë vrasje ka qenë një borxh prej 50 mijë eurosh që viktima nuk ia kishte shlyer 53-vjeçarit.
Autoritetet kanë theksuar se bëhet fjalë për një vrasje të studiuar në detaje, shkak i së cilës dyshohet se nuk është vetëm një borxh.
Ditën e ngjarjes, autori i vrasjes u kishte thënë punonjësve të qëndronin në shtëpi.
Gjithashtu, gruas dhe djalit i kishte thënë që të mbulonin në rast se do të vinin karabinierët, për t’u thënë se kishin drekuar bashkë nëse donin informacion, ndërsa do t’i kërkonte ndihmë djalit për formatimin e kamerave që të mos mbetej asnjë gjurmë. .
“Nexhat Rama me siguri është vrarë nga pas. Autori e ka qëlluar me të paktën një plumb në kohë, duke i shkaktuar vdekjen. Më pas e ka futur trupin në makinë duke e çuar në fshat për t’i vënë flakën”, duket se ka qenë dinamika e vrasjes së Nexhat Ramës, shqiptarit nga Kosova, sipas raportimeve të mediave të huaja. /Mare nga albaniandailynews, perkthyer dhe pershtatur nga akreport
