Pas ngjarjes së rëndë që la të vdekur të riun 25-vjeçar Klodian rasha, ka reaguar kryetari i Bashkisë së Tiranës, Erion Veliaj. Për tragjedinë e rënë, ku një punonjës i policisë, qëlloi për vdekje Klodian Rashën dhe kjo sepse ai shkeli orën policore, Vleiaj ka deklaruar se autori duhet të mbajë përgjegjësi. Në reagimin e tij, kryetari shpreh dhimbjet që ndjen, teksa protestën e mbrëmshme e quan si të kuptueshme.
Erion Vleiaj u shpreh:
Unë jam babai i një djali të vogël dhe e marr me mend si i është thyer zemra babait të Klodit sepse nuk besoj se ka gjë më të rëndë sesa të humbësh fëmijën. Një ditë do kesh vetë fëmijë (i drejtohet banorit të shtëpisë së re) dhe do e kuptosh çfarë dhimbjeje është kur të sëmuret, e jo më ta humbasësh. Ajo familje është zemërthyer dhe ka gjithë të drejtën e botës të jetë e mërzitur, këtë s’e luan topi. Që kanë merak për drejtësi, edhe kjo kuptohet. Imagjino sa gjëra kanë ndodhur në këtë shtet dhe nuk kanë parë drejtësi. Ndaj, ata kanë të gjithë të drejtën e zotit të mërziten, si edhe ata që prishin dhe dëmtojnë qytetin – rraqe janë, nuk është ndonjë hata, do i rikuperojmë prapë. Jeta do të vazhdojë!
Loading ...
Discussion about this post