VIDEO/ Dhunohet zyra e PD, Shehaj: Sulme të frymëzuara nga Edi Rama

Drejtuesi Politik në degën 7 në Tiranë, Agron Shehaj, ka denoncuar ditën e sotme dhunimin e zyrës elektorale të PD në këtë njësi.

Sipas Shehajt këto janë të gjitha sulme të nxitura nga Edi Rama, teksa tregojnë qartë shenja paniku nga humbja në zgjedhjet e 25 prillit.

Pas zgjedhjeve elektorale ai shprehet se Partia Demokratike dhe të filloj të punoj për njerëzit.

“Ditët e fundit jemi të gjithë dëshmitarë për sulmet ndaj aktivistëve të Partisë Demokratike dhe zyrave elektorale të Partisë Demokratike.Kjo zyrë e Partisë Demokratike në zemër të Tiranës është sulmuar, është dëmtuar rëndë natën e kaluar.

Këto sulme janë të gjitha të frymëzuara nga Edi Rama dhe janë shenjat e qarta të panikut nga humbja. Edi Rama duhet sa më shpejt të dënojë dhunën dhe të ndalë rritjen e dhunës ndaj nesh . Edi Rama dhe njerëzit e tij nuk kanë për të na trembur. Ne të gjithë bashkë do vazhdojmë të punojmë deri në datën 25 Prill. Në datën 25 Prill n Edi Rama do humbasë dhe Shqipëria do të fitojë dhe ne të gjithë së bashku do fillojmë të punojmë për njerëzit.”- është shprehur Agron Shehaj.