Ditën e sotme mediat italiane raportuan se policia ka arrestuar ish-të dashurën e Taulant Pashos, djali i çiftit Pasho që u gjet pas 5 vitesh brenda 4 valixheve me trupat e copëtuar.
Por 36-vjeçarja me origjinë nga Durrësi Elona Kalesha nuk është një emër i panjohur për policinë dhe drejtësinë italiane, për vjedhje dhe mashtrim.
Kalesha është arrestuar për drogë në Firenze ku jeton prej shumë vitesh e në kohën e ngjarjes ajo ka qënë e dashura e Taulant Pashos, djalit të Shpëtim e Teuta Pasho të cilët u zhdukën në të nëjtën ditë kur ai doli nga burgu më 2 nëntor 2015.
Prokurorja Ornella Galeotti ishte ajo që dha urdhrin e arrestit për shqiptaren e cila para se Shpëtimi dhe Teuta të zhdukeshin jetonte me Taulantin. 36-vjeçarja akuzohet për vrasje, fshehje dhe copëtim të kufomave të çiftit Pasho të cilët ishin të zhdukur që prej vitit 2015 kur shkuan në Firence për të pritur që një nga tre fëmijët e tyre, Taulantin që do të dilte nga burgu Solliciano ku ai po vuante dënimin për tregtinë e drogës.
Loading ...
Discussion about this post