Tragjike! Ndahet nga jeta në moshë të re mjekja nga Durrësi

Një lajm tragjik vjen nga Durrësi. Mësohet se mjekja onkologe, Anisa Dedja është ndarë nga jeta në moshë fare të re.

Me anë të një postimi në Facebook, Urdhri i Mjekut Durrës ka bërë me dije se mjekja vuante nga një sëmundje e rëndë. Ajo ishte diplomuar në vitin 2018 në Fakultetitn e Mjekësisë me rezultate të larta.

Postimi:

Me dhimbje të thellë Urdhëri i Mjekut, Durrës, njofton ndarjen e parakohshme nga jeta pas një sëmundjeje të rëndë të Doktoreshë Anisa Dedja.

Dr. Anisa Dedja përfundoi studimet e larta në vitin 2018 në Fakultetin e Mjekësisë, të Tiranës, me rezultate të shkëlqyera. Më pas u largua drejt Gjermanisë për të studime të mëtejshme në Onkologji.

Sot la një vend bosh doktoresha jonë Anisa Dedja! Rruga e jetës së saj, misioni i saj si mjeke e përkushtuar, energjia diellore që rrezatonte me të gjithë u pre në mes! Me ikjen e saj të parakohshme la trishtimin dhe keqardhjen për jetën e saj të papërmbushur siç ajo dëshironte! Urdhëri i Mjekut, Durrës përcjell ngushëllimet më të sinqerta për familjarët, miqtë dhe kolegët për këtë humbje të rëndë.
I paharruar qoftë kujtimi i saj.