Të shtëna me armë zjarri janë regjistruar në Mamaurras para pak minutash. Mësohet se një person me iniciale M.L. 65 vjeç, ka mbetur i plagosur.
Sipas informacioneve paraprake ky shtetas ka marrë plagë të rënda dhe plumbi i ka prekur zemrën. Sipas Fax News, bëhet me dije se djali i 65-vjeçarit është arrestuar për ‘eliminimin’ e biznesmenëve Bujar Lika dhe Paulin Gjergji.
I plagosuri është dërguar më urgjencë në Spitalin e Traumës në Tiranë.
Policia Kurbin/Informacion paraprak
Rreth orës 13:25, në Mamurras,Kurbin, në rrethana ende të paqarta është plagosur me armë zjarri shtetasi M. L., 60 vjeç, banues në fshatin Gjorëm, Kurbin i cili është transportuar në spital dhe ndodhet nën kujdesin mjekësor, paraprakisht jashtë rrezikut për jetën.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.
Discussion about this post