Shefja e epidemiologjisë në Institutin e Shëndetit Publik, Silva Bino tregoi për RTV Ora se masat e marra për mbajtjen e maskave nuk ka qenë shumë efektive. Sipas Silva Binos, respektimi i masave është një vendim individual i qytetarëve dhe se nuk është mbajtur siç duhet. Kjo e fundit ka theksuar gjithashtu se është e paqartë se sa do të zgjasë kjo situatë pandemike.
Pjesë nga intervista:
Gazetarja: Si do të jetë Covid-i në dimër? A kemi arritur imunitetin e tufës?
Silva Bino: Shqipëria nuk ka arritur imunitetin e tufës, ndaj jemi në këtë gjendje. Nuk është e qartë se sa zgjat Covid-i. Asnjë sëmundje infektive nuk është zhdukur nga imuniteti i tufës. Shmangia e sëmundjeve infektive bëhet nëpërmjet metodave të kontrollit, pra metoda si vaksinimi. Në këtë rast duhet të respektohen masat si distanca sociale apo mbajtja e maskave.
Gazetarja: A po japin efekt masat e marra?
Silva Bino: Maskat nuk kanë pasur efektin e pritshëm, se nuk janë mbajtur siç duhet. Mbajtja e tyre në gushë të mbron nga gjoba por jo nga covid-i. Maska mbron të infektuarin dhe të tjerët. Është një përgjegjshmëri individuale.
Loading ...
Discussion about this post