Ditën e djeshme Policia e Tiranës shoqëroi në komisariat disa aktivistë të Aleancës për Mbrojtjen e Teatrit dhe sipas deklaratave ndaj tyre është ushtruar edhe dhunë në Komisariatin Nr.1. Në lidhje me ngjarjen ka raguar edhe regjisori Robert Budina, i cili ka paralajmëruar se ditën e sotme në orën 18:00 do të mbahet një protestë para Ministrisë së Brendshme.
Budina tha për Fax:
Për mendimin tim, është një vazhdimësi e asaj që ka nisur që kur u shemb Teatri ku policia kishte një presion të madh për të ushtruar dhunë. Edhe ngjarja që ndodhi me djalin, janë një varg veprimesh me policinë teksa kërkojnë të ushtrojnë dhunë ndaj qytetarit dhe ajo që është më e rëndë, një nga aktivistët tanë, Donald Martini që sapo kishte fituar çmimin në Los Anxhelos, vjen dhe shpërblehet nga policia e shtetit të vet duke u goditur me dhunë në komisariat. I kanë nxirë syrin, i kanë carë mjekrën dhe për më tepër, Martini është një qytetar. Këto janë fakte që e rëndojnë pozitën e qeverisë dhe janë shkelje flagrante e të drejtave të qeverisë, ndaj kemi thirrur një reagim. Duhet të hetohet nga vetë policia për punonjësit e policisë. Të merret dhuna në komisariat. Ergys Mërtirit i kanë fshirë videot. Janë dhunuar në komisariat, janë sharë me fjalë të ndyra. Ne do të kërkojmë dorëheqjen e Veliut, drejtorit të përgjithshëm, të reformohet Policia e Shtetit. Nuk ka ndodhur asgjë për të ushtruar atë dhunë. Ne do dalim të mbrojmë të drejtat tona sot në protestë, të qytetarëve dhe artistëve. Protesta do të mbahet në orën 18.00 para Ministrisë së Brendshme.
Loading ...
Discussion about this post