Drejtori i Policisë Kriminale Tonin Vocaj ka sfiduar publikisht gazetarin Artan Hoxha teksa ishin duke folur për kanabisin në Malësinë e Madhe.
Ai tha se Hoxha nuk po flet me fakte dhe ka luksin që të rrumbullakosë shifra.
Pjesë nga debati në Opinion
Artan Hoxha: Në vendin e ngjarjes nuk ka qenë një parcelë, dhe ditën që janë gjetur kufomat, janë djegur disa parcela të vogla. Nuk po e vë në dyshim që policia po lufton ndaj kanabisit nga veriu në nug, por si duket trafikantët kanë punuar më shumë. Asgjësuat në 2015 një kanabis në një zonë në afërsi të Komanit, ku e kam denoncuar tre herë tek Zëri i Amerikës, vetëm aty nuk hynte policia.
Vocaj: Unë nuk e kam luksin që ju keni që flisni me rrumbullakosje.
Hoxha: Po të flas me fakte
Vocaj: Faktet nuk janë ato, kjo nuk është e vërtetë
Artan Hoxha: I gjetët kufomat në një parcelë me kanabis, është fakt ky
Vocaj: Unë po ju deklaroj publikisht këtu, meqënëse ju thoni se ka pasur parcela të tjera në afërsi të vendit të ngjarjes ta verifikojmë dhe kujt do ti qëndrojë e vërteta.
