“Përparim Çangu do përgjigjesh një ditë!” Ish-kryeministri zbulon emrin e policit që tërhoqi zvarrë të miturin në protestë

Prej gjashtë ditësh në disa qytete të vendit po zhvillohen protesta të shumta pas vrasjes së 25-vjeçarit Klodian Rasha nga efektivi i forcave të policisë “Shqiponja”.

Gjatë këtyre protestave nuk kanë munguar dhe trazirat dhe përplasjet mes protestuesve dhe policisë. Ajo që ra më tepër në sy është momenti kur një punonjës i policisë tërheq zvarrë një fëmijë punonjësi i Policisë, protagonist i videos që gjatë kësaj proteste.

Ish-kryeministri Sali Berisha ka treguar se punonjësi në fjalë është Përparim Çangun nga Përmeti. Ai shihet teksa bashkë me një person tjetër tërheq zvarrë fëmijën dhe e çon drejt forcave “Shqiponja” të cilët më pas e arrestojnë.

Në një postim në Facebook, Berisha thotë se Përparim Çangu nga Përmeti, ka qenë ish-sigurims, ndërsa sot punon tek njësia operacionale.

“Shikoni si zvarrit te miturin, Perparim Çangu nga Përmeti, ish sigurims dhe ushtarak, tani punon tek njësia operacionale!Duke denuar aktin e shemtuar, le ti themi se do te pergjigjesh nje dite o kriminel per aktin tend shtazor se bashku me Edvin Kristaq Xhelatin. sb”, shkruan ish-kryeministri Berisha.