Partia Demokratike ka hedhur akuza kundër kreut të Bashkisë Tiranë, Erion Veliaj, lidhur me buxhetin të vitit 2021. Në një deklaratë në emër të PD, Akil Kraja, tha se buxheti i 2021 parashikohet të kapë shifrën rekord prej 166 milion euro.
“Pavarësisht se jemi në kulmin e krizës ekonomike, Bashkia Tiranë dyfishon numrin e punonjësve krahasuar me pesë vite më parë. Taksat shkojnë për punësime partiake elektorale, jo për të ndihmuar bizneset apo rritur investimet për lulishtet e gjelbërimin e qytetit. E keqja në Tiranë thellohet gjithmonë e më shumë”, u shpreh Kraja.
Sipas zyrtarit të PD me shtesën e parashikuar për vitin 2021, “rezulton që numri i punonjësve të Bashkisë Tiranë ka arritur në 7500 persona, të cilët i kushtojnë taksapaguesëve të qytetit plot 51 milion euro në paga e sigurime shoqërore”.
“Nëse e konvertojmë këtë shifër në kosto për ditë pune, punonjësit e Erion Veliajt i kushtojnë qytetarëve të Tiranës plot 200.000 euro dita e punës. E ripërsërisim 200 mijë euro dita e punës në paga e sigurime shoqërore”, shtoi ai.
Loading ...
Discussion about this post