Marrëdhënien delikate mes Presidentit Meta dhe ambasadorëve të huaj janë parë edhe në deklaratat e mëparshme, por mbrëmjen e sotme Meta nuk është fshehur aspak, duke iu drejtuar me një mesazh të drejtëpërdrejtë diplomatëve.
Presidenti Ilir Meta ka paralajmëruar hapur ambasadorët e huaj në vendin tonë, se nëse në zgjedhje preket një votë, kreu i shtetit nuk do pranojë asnjë ndërmjetësim të huaj.
“Unë nuk do pranoj më asnjë ndërmjetësim të huaj ta dëgjojë ai e kushdo në rast se do preket një votë në Republikën e Shqipërisë, kaq i thoni atij. Shpresoj të reflektohet. Unë nuk kam më çfarë të ul, i kam thirrur palët në zgjedhjet vendore për të shmangur kaosin.
Shqipëria nuk i dhimbset dhe nuk mund t’i dhimbset askujt më shumë se sa një shqiptari”, tha Meta në ‘Syri tv’.
Në një gjendje të acaruar, ndërsa përplaste dorën në tryezë, Presidenti Meta foli gjithashtu për 3 parime teksa paralajmëroi: “Askush te mos guxoje me nga sot e ne vijim te preke qofte edhe nje vote se do te marre nje pergjigje te paimagjinueshme. Kushtetuta duhet te jete e paprekshme. Aktet e tradhetise duhet te marrin ndeshkimin me te larte. Keto jane tre parimet apo tre shtyllat mbi te cilat mbeshtetet qendrimi im”.
