Gjatë mbledhjes së fundit të qeverisë u zyrtarizua marrëveshja mes Shqipërisë dhe Serbisë për të lëvizur vetëm me karta identiteti. Në këtë mënyrë serbët do ta kenë më të lehtë për të ardhur në Shqipëri. Ky vendim ishte marrë në takimin e fundit virtual kryeministri Edi Rama pati me presidentin serb Aleksandër Vuçiç dhe kryeministrin maqedonas Zoran Zaev, por ende nuk ishte zyrtarizuar. Edhe Kosova është ftuar disa herë për të qenë pjesë e Mini-Schengenit Ballkanik por akoma nuk ka asnjë takim zyrtar me kryeministrat e Ballkanit Perëndimor.
Vendimi i plotë i qeverisë
MIRATIMIN E MARRËVESHJES NDRYSHUESE TË MARRËVESHJES, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË SERBISË, PËR LËVIZJEN E NDËRSJELLË TË SHTETASVE, RATIFIKUAR ME LIGJIN NR.10474, DATË 27.10.2011
Në mbështetje të nenit 100 të Kushtetutës dhe të nenit 19, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e Kryeministrit dhe ministër për Evropën dhe Punët e Jashtme, Këshilli i Ministrave
V E N D O S I:
Miratimin e marrëveshjes ndryshuese të marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Serbisë, për lëvizjen e ndërsjellë të shtetasve, ratifikuar me ligjin nr.10474, datë 27.10.2011, sipas tekstit që i bashkëlidhet këtij vendimi.
Ky vendim hyn në fuqi pas botimit në “Fletoren zyrtare”.
Loading ...
Discussion about this post