“Me Sali Berishën fiton edhe duke qenë non grata në SHBA”.
Kështu shprehet analisti Fatos Lubonja duke komentuar debatin brenda Partisë Demokratike, ku sot Kuvendi Kombëtar shkarkoi Lulzim Bashën me 4446 vota të delegatëve.
Amerikanët gabuan me Berishën, tha Lubonja, duke shtuar se shqiptarët e kuptuan këtë çka ka sjellë rritjen e mbështetjes për ish-kryeministrin.
“Me Berishën mund të fitosh edhe duke qenë non-grata. Në këtë rast amerikanët me Berishën kanë gabuar dhe shqiptarët e kanë parë këtë. Ky regjim nuk rrëzohet me forma demokratike të pastra, por ka nevojë për frymë popullore që të shprehë zemërimin në formë masive”, u shpreh Lubonja për News 24.
Duke u ndalur te votimi i Kuvendit Kombëtar, Lubonja i bëri thirrje Bashës që të dorëzojë zyrën e PD.
“Ajo zgjidhet duke kontrolluar ata 4 mijë e 446 , në rast se janë të vërtetë duhet dorëzuar zyra nga Basha dhe kaq është e gjitha. Ne kemi 30 vjet që nuk bëjmë zgjedhje të lira e të ndershme.
Unë besoj që ky regjim nuk e lëshon selinë e madhe. Basha është një reflektim i kësaj kulture. Me këtë kulturë që është krijuar këtu fiton ai që ka më shumë para, ai që blen vota që ka krimin të kesh edhe ambasadën amerikane me vete nuk është pak. Opozita duhet të kuptojë që ka gjithë këto kundërshtarë.
Qëllimi final i Edi Ramës është që t’i shohë të gjithë barkas, tani shyqyr që dolën njerëz që nuk u trembën as nga ambasada amerikane, pavarësisht se ato mund të mos jenë dakord edhe me të kaluarën. Lirinë e meriton ai që shkon ditë për ditën në luftë, shqiptarët”.
