Kuvendi sot ka mbajtur seancën me debat të mocionit të kërkuar nga Enkelejd Alibeaj. Ish-kryetari i komisionit të reformës në drejtësi, Fatmir Xhafaj, ka kritikuar institucionet e reja dhe ka kërkuar që të japin llogari për atë që po bëjnë.
“Zonja Llagami, Balla, Çela, Hajnaj, Metani dhe zëdhënësit e tyre duhet të dalin përballë publikut dhe të tregojnë se çfarë po bëjnë. Dhe pritshmëritë e qytetarëve ndaj tyre dhe sa janë realisht të pavarur.
Ka sot tre kandidatë për drejtues të SPAK-ut. Kuvendi ta monitorojë që në fazën e premtimeve dhe më pas çfarë është bërë. Qytetarët në këtë tollovi dhe ligësi kanë nevojë të informohen për të vërtetë kanë të drejtë që të informohen për të vërtetën. Drejtuesit e institucioneve të reja të dëshmojë besim dhe llogaridhënies përmes rezultateve” tha ai.
Parlamenti po kritikohet se ka një shumicë socialiste dhe se nuk bën sa duhet për të ndihmuar popullin. Ai kërkoi që shefat e stafit të lihen jashtë.
“Roli i Kuvendit mbetet thelbësor. Është vendi kryesor ku janë përfshirë shumica dhe opozita. Kjo është hapësira e vetme për inkurajimin e institucioneve të reja. Ka vend për të reflektim.
Kuvendi nuk është noteri dhe nuk mund të shërbejë si vendi ku bëhen qoka politike dhe buxhetore apo miratohen ndryshime që plotësojnë ambicie për më shumë pushtet brenda sistemit të drejtuesve të disa institucioneve të reja” tha ai.
