Kush erdhi e para, pula apo veza? Kjo është enigma që i ngatërron njerëzit me shekuj. A kanë shkencëtarët anglezë një zgjidhje për këtë problem?
Ata po studiojnë mënyrat se si ndodh kristalizimi i karbonatit të kalciumit dhe formimi i lëvozhgës së vezës.
COLIN FREEMAN dhe ekipi i tij nga Universiteti i Warwick dhe Sheffield kanë zbuluar se proteina e vezores së pulës OC-17 është përgjegjëse për përpunimin e karbonatit të kalciumit në kristalekalcit, substanca që përbën pjesën më të vështirë të guaskës.
Pa OC-17, guaska nuk ngurtësohet, që do të thotë se zogu nuk mund të jetojë brenda saj. Sipas shkencëtarëve, proteina e pulës ose OC-17 është krijuar para vezës.
