Kosova asnjë humbje jetë nga Covid/ Ish-deputeti Tavo: Ky është menaxhim i mirë dhe jo propagandë si “Rilindja”

Ish-deputeti i LSI-së, Vangjel Tavo e shikon si menaxhim të mirë të situatës së Covid faktin që në Kosovë sot nuk kishte asnjë jetë të humbur.

Në një status në Facebook, Tavo teksa e lidh me situatën në Shqipëri shkruan se në 25 prill do të marrë fund Rilindja. Sipas tij, pas kësaj date na pret shumë punë për të rimëkëmbur vendin.

“Kosova asnjë humbje jete me Covid-19 dhe rekord testesh gjatë 24 orëve të fundit. Ky është menaxhimi i mirë. Kjo quhet punë efikase e shtetit dhe jo propagandë si “Rilindja.”

Edhe 70 ditë dhe sektit të “Rilindjes” i vjen fundi.

Pas 25 prillit na pret shumë punë për të rimëkëmbur vendin duke e filluar me ngritjen e një strategjie për menaxhimin sa më efikas të pandemisë për të mbrojtur e shpëtuar sa më shumë jetë”, shkruan Tavo.