Koshient për ‘arritjet‘ e kësaj qeverie, që nga dritat dhe uji 24 orë deri te aeroportet, Rama i ka përmbushur pritshmëritë e tij në qeverisje, pasi sipas ‘studimeve‘ që kanë bërë organet kompetente dhe mjaftë serioze të shtetit Shqipëtar, kanë dalë në përfundimin se falë mirëqeverisjes së 8 viteve të fundit: “ asnjë shqiptar s’ka vdekur për bukë”
Kryeministri Edi Rama, në një bashkëbisedim me qytetarët u shpreh se Partisë Socialiste i duhet mandati i tretë për të mos lënë në mes betejat.
Ai tha se sot Shqipëria në të gjithë sektorët ka arritur të jetë njësoj.
Po ashtu ai tha se synohet që personat me pagë 400 mijë lekë të mos taksohen, dhe se pavarësisht se janë shumë projekte që pritet të realizohen, secili prej tyre kërkon kohën e duhur.
“Sot tema është për të rritur ekonominë dhe ardhurat. Aeroportet janë një nga forcat që sjellin më shumë të ardhura sepse sjellin më shumë investime. Investimet në energji, agroturizëm janë të gjitha mundësi që na çojnë në një nivel tjetër ku ne dëshirojmë të kemi vende punë me të mira.
Ne duam që mandati i treti të shikohet si domosdoshmëri në kushtet kur kërcënohemi nga taksa e sheshtë. Jemi duke finalizuar ndërhyrjen tek kategoritë e taksimit progresiv. Të gjithë ata që fitojnë një pagë deri në 400 mijë lekë të mos taksohen. Ne jemi në kushtet ku qeverisim dhe do të qeverisim dhe jemi në kushtet ku do të përcjellim me seriozitet betejën demokratike elektorale”, tha Rama.
Discussion about this post