Ish deputeti, ish gazetari, poseduesi i aksioneve bankare dhe për momentin shkrimtari, zoti Alfred Peza, ka ndarë me publikun shqiptar, detajet e një takimi privat me Edi Ramën, ku sipas Pezës, kryeministri i ka kërkuar që ai të kandidojë për deputet me PS-në.
Por, Peza e ka refuzuar këtë ftesë, sepse mendon se puna e deputetit nuk është për të, në këtë fazë të jetës që ka arritur.
Përveç këtij shpjegimi, ndoshta Pezën e ka varë edhe ndërgjegjia që nuk e binjakëzoi dot ekipin e Shkumbinit me Lazion dhe nuk e hapi dot “Shkumbini Channel”, siç premtoi në mandatin tij si deputet dhe kështu, nuk u del dot më përpara qytetarëve të Peqinit..
Megjithatë, lajmi i madh që duhet të na trondisë thellë, është fakti se më në fund, në vitin 2021, në këtë regjim ku po jetojmë, paska dalë një burrë mbi burrat në PS, pra pikërisht Alfred Peza, që t’i thotë JO, propozimit të Edi Ramës!
“I thashe kryeministrit dhe po ju’a them te gjitheve se jam ndjere i privilegjuar qe kam perfaqesuar edhe me pare, vullnetin elektoral te qytetareve ne Kuvendin e Shqiperise. Por karrigia e deputetit nuk eshte per mua ne kete faze te jetes dhe aktivitetit tim!”, shpjegon Peza refuzimin ndaj Ramës.
Veç kësaj ngjarje, në takim paska ndodhur edhe një bisedë tjetër, për rolin që Alfred Peza ka kryer nëpër televizionet shqiptare. Ai zbulon se Edi Rama e ka komplimentuar, duke i ka thënë, se ish deputeti, nuk ka komentuar si “partizan” nëpër mediat ku e dërgonte Fuga, por “si një qytetar i angazhuar”.
“Me erdhi mire qe ne vleresimin e tij, ai nenvizoi se ne debatin publik kam kontribuar jo si “partizan”, po si qytetar i angazhuar. Natyrisht me bindje e kahje ne mbeshtetje te punes se kesaj maxhorance, por pa e shkelur kurre etiken dhe pa i hyre kurre ne hak partizance paleve te tjera“, shkruan Peza.
Më tej, Peza premton se do të qëndrojë krah për krah Edi Ramës, deri në fund!
Lexoni më poshtë rrëfimin e Alfred Pezës, për takimin ku ja bëri “tetë me dy” Edi Ramës:
Te dashur miq!
Sapo mbarova nje takim me kryeministrin Rama dhe kam deshire te ndaj me ju arsyen dhe perfundimin e takimit.
Kryeministri me kerkoi gatishmerin per te qene pjese e skuadres se deputeteve, per zgjedhjet e 25 prillit 2021, duke vleresuar kontributin tim si deputet me pare dhe si person i angazhuar ne debatin publik me pas. Me erdhi mire qe ne vleresimin e tij, ai nenvizoi se ne debatin publik kam kontribuar jo si “partizan”, po si qytetar i angazhuar. Natyrisht me bindje e kahje ne mbeshtetje te punes se kesaj maxhorance, por pa e shkelur kurre etiken dhe pa i hyre kurre ne hak partizance paleve te tjera.
E falenderova Edi Ramen per kete interesim, qe e konsideroj te posacem pasi nuk eshte ne stilin e punes se tij! U ndjeva mire duke e ditur edhe qe listat jane plotesisht ne doren e drejtuesve te qarqeve, deri kur ata te vijne neser ne zyren e Rames ne PS para mbledhjes se kryesise ne mbremje.
Por refuzova:-)
I thashe kryeministrit dhe po ju’a them te gjitheve se jam ndjere i privilegjuar qe kam perfaqesuar edhe me pare, vullnetin elektoral te qytetareve ne Kuvendin e Shqiperise. Por karrigia e deputetit nuk eshte per mua ne kete faze te jetes dhe aktivitetit tim!
Une do te qendroj ne krah te Edi Rames sepse besoj tek ai dhe puna e tij, pavaresisht nga pozicioni qe mund te kem ne raport me sfidat e maxhorances qe do te rikonfirmohet me siguri ne 25 prill. Ka plot te tjere PS, qe e duan me shume se une dhe e bejne po aq mire apo me mire se une punen e depuetit, keshtu qe me shume kenaqesi vendin tim ia le kujtdo prej tyre ne Kuvendin e Shqiperise.
Mbetem si gjithmone i perkushtuar per te dhene kontributin tim maksimal, per kete familje politike, ku jam ndjere mire qe diten e pare dhe do te jete kenaqesi e krenari per mua te anazhohem krah miqve deputete, qofte ne fushate dhe qofte ne cdo sfide te terrenit pas fitores! Urime dhe suksese te gjitheve! Se bashku per Shqiperine!
Discussion about this post