Pasditen e sotme, qytetarët shqiptarë dolën për të tretën ditë radhazi përpara Kryeministrisë për të kërkuar drejtësi për vrasjen e Klodian Rashës, i cili u qëllua me armë zjarri nga Policia e Shtetit. Nga ana tjetër kryeministri Edi Rama ka kërcënuar protestuesit duke thënë se policia do i përgjigjet dhunës me dhunë.
Më konkretisht, Rama fundit është shprehur se:
Duhet të jemi këtu pranë efektivit të policisë, që rrezikon të humbasë dritën e syrit, pranë familjes së tij, pranë bashkëshortes.
Ndërkohë një llukuni që nuk e di se nga ka dalë, merr përsipër të nxjerrë sytë e policëve të shtetit dhe t’i fusë gishtat në sy, për çfarë? Për pushtetin? Nuk është absolutisht në asnjë rast në asnjë mënyrë kjo llukuni e lidhur me asgjë që ka të bëjë me dhimbjen e tronditjen e qytetarisë shqiptare kur morën lajmin e humbjes tragjike të jetës të djalit 25-vjeçar nga një efektiv policie. Polici vetë nuk kërkoi të krijojë ndonjë alibi për atë që ka bërë.
Ai do dënohet sipas Ligjit, kjo është Drejtësia. Morali është ajo e ministrit të Brendshëm që dha një shembull fisnikërie, pa pasur asnjë faj dha dorëheqjen. Policia ka të drejtë t’u përgjigjet njëlloj kësaj llukunie që godasin.
Loading ...
Discussion about this post