E trishtë, 2 të vdekur nga aksidenti me makinë në Itali, mes tyre i riu shqiptar

Dy të rinj, një prej të cilëve shqiptar humbën jetën në një aksident rrugor të ndodhur në Montorio Romano në Itali. Sipas mediave italiane viktima janë Dante Cappai 23-vjeç dhe Erik Vuka 25-vjeç me origjinë shqiptare.

Ngjarja ndodhi mbrëmjen e 6 Janarit në veri të kryeqytetit. Makina me të cilën udhëtonin dy të rinjtë u përplas me murin rrethues të varrezave.

“Aksidenti rrugor ndodhi në mbrëmjen e 6 janarit në zonën e varrezave, jashtë qendrës së qytetit në veri të kryeqytetit. Këtu, për arsye nën hetim, Peugeot 206 i drejtuar nga Erik Vuka doli nga rruga ndërsa udhëtonte drejt greminës drejt Nerola përmes Romës. Pushtoi korsinë e kundërt, makina goditi me forcë murin rrethues të varrezave”, shkruajnë mediat italiane.

Forcat e ndërhyrjes së shpejtë u gjendën menjëherë në vendngjarje por nuk mundën të shpëtonin dy të rinjtë nga vdekja.

Vuka u transportua me ambulancë në gjendje kritike dhe ndërroi jetë pak minuta pasi u dërgua në spitalin Grottarossa.

Autoritetet italiane tashmë kanë nisur hetimet për të mësuar shkaqet e plota që shkaktuan aksidentin tragjik