Një mësuese italiane ka humbur jetën 19 ditë pasi mori vaksinën e AstraZeneca. Augusta Turiaco humbi jetën më 11 Mars e shtruar në spital në moshën 54 vjeçare.
Ajo u ndje shumë keq pas vaksinimit me AstraZeneca dhe u dërgua menjëherë në spital. Mësuesja shfaqi dhimbje të forta koke pasi bëri vaksinën.
Kur iu nënshtrua testimeve, rezultoi se ajo kishte pësuar trombozë të rëndë. Kur mori vaksinën, mësuesja publikoi një foto e buzëqeshur në Facebook duke treguar se i ishte nënshtruar vaksinimit.
Ajo ka lënë pas dy fëmijë, prindërit dhe dy vëllezërit. Teksa ishte e shtruar në spital, 54 vjeçarja firmosi një letër ku lejoi që organet e saj të dhurohen.
Pavarësisht mënyrës si u nda nga jeta, familjarët e saj kanë falenderuar mjekët për kujdesin ndaj saj. Gjithashtu, ata kanë bërë thirrje që njerëzit që të vazhdojnë të vaksinohen.
“Familja, pavarësisht nga hijet e shfaqura mbi të cilat kërkon që të hidhet dritë, fton qytetarët të mos largohen nga fushata e vaksinimit dhe të jenë të vetëdijshëm për rëndësinë e saj. Përfitimet e vaksinës në mbrojtjen e njerëzve nga Covid tejkalojnë rreziqet e mundshme”, thuhet në këtë letër.
Discussion about this post