Lulzim Basha, kryetari i shkarkuar i PD, ka paralajmëruar sot se kryeministri Edi Rama, pret të shpallet non-grata nga Shtetet e Bashkuara të Amerikës.
Në një deklaratë për mediat, Basha shigjetoi edhe ish-kryeministrin Sali Berisha, ndërsa shtoi se edhe Rama pret të shpallet non-grata.
“Sali Berisha i shoqëruar nga një grusht familjarësh dhe njerëz të kërkuar nga drejtësia vijnë e shqyejnë dyert e PD, kjo është tragjedi.
Por, nuk do lejoj që një i shpallur non-grata të bëjë gjithçka që ti zgjasë jetën një tjetri që pret të shpallet non-grata, pavarësisht se sot është ulur në poltron.
Armiku i mirëqënies së qytetarëve, duhet të marrë goditjen e merituar. Dhe ta dijë Edi Rama dhe Sali Berisha që ka para një PD më të vendosur larg hijeve të së shkuarës”.-tha Basha.
