Të jeshë zyrtar i një shteti “skamie” i një shteti që njerzit vuajn akoma për bukën e gojës mesaduket ka shumë përfitime, këtë na tregon qeveria! Ministrat e zgjedhur nga ky popull ‘i cili po fle në çadër sepse natyra nuk u tregua bujare këtë vit me ta’, nuk ju bënë aspak përshtypje që në ditët më të zeza për Shqipërinë dhe Shqipëtarër të zhduken sa sytë këmbët dhe të shkojnë në tokën e “premtuar” në Dubai! Pse? Sigurisht për të thithur investime të huaja në vendin tonë!
Para pak ditësh u publikua një video ku shfaqej qartë një darkë madhështore e grupit të rilindjes në Dubai, teksa pas publikimt të shumta ishin edhe reagimet e qytetarëve shqiptarë.
Shumë prej tyre e konsideruan një darkë të tillë si skandal të madh pasi vendi po kalon një situatë të vështirë, Ndërkohë pas xhiros që bëri kudo në rrjet, ka reaguar ministri i Rindërtimit, Arben Ahmetaj. Në një intervistë për Neës 24, Ahmetaj tha se në Dubai nuk kishin shkuar për pushime por për punë dhe saktësisht për Rindërtimin. Ndër të tjera ai deklaroi se në duart e tij janë disa foto të liderëve të opozitës duke ngrënë tek Nusreti, por që nuk i kanë publikuar.
Ahmetaj:
Një lajm është zakon që keqinterpretohet, keqtrajtohet, shumëfishohet, madje madje, nganjëherë fillon edhe shikon edhe njerëz që i ke pranë, se si reagojnë, ishte, në respekt të pyetjes tuaj, ishim në një darkë buke! BUKË! Të ftuar…! Ne gjendeshim atje, unë gjendesha për rindërtimin. Isha pjesë e një ekipi që diskutonte më gjerë se rindërtimi. Nuk është se ishim për, le të themi për pushime apo për, që s’bën vaki, nuk bën vaki. Ishim për punë, të ftuar, për të diskutuar disa projekte.
Unë kam marrë pjesë në diskutimin e të gjitha projekteve dhe kryesisht kam punuar me rindërtimin! Ka qenë një bisedë e hapur me kompaninë, dhe kemi ftuar; po ja u them shqiptarëve, se nga një herë njerëzit kanë qejf; hëngri atë, hëngri këtë. Hëngrëm bukë, të ftuar. Dhe unë ja u thash para se të vija, është e turpshme, unë dhe ne kemi fotografi të liderëve të opozitës që hanë tek Nusr’eti. Por është e shëmtuar, është e shëmtuar. Punët e tij ça bën lokali Ku dimë ne ça bën lokali, lokali bën punët e veta. Hëngrëm bukë! Të ftuar! Na kishin ftuar, siç ftojnë, siç ftojmë këtu kur vijnë i ftojmë për bukë, ndajmë bukën; është ajo shprehja e shqiptarëve “ndajmë bukën”. Kush është restorant super luksoz? Cili? Tani do numërojmë, se e di ça bën, bënte një fejk njuz; nxorën një menu me monedhën, jo, me monedhën e emirateve dhe e shisnin sikur te ishte dollar.
Është mensë mishi, po shiko nuk dua të komentoj këtë, është punë tjetër edhe sikur të ishte çfarë të deshte, edhe sikur të ishte, ishim të ftuar për të ndarë bukën; është zakon shqiptarësh. Ne i ftojmë që ndajmë bukën, i ftoj unë, i fton kryeministri, i fton presidenti, i fton Lulzim Basha, i fton iksi, i fton ypsiloni, FTOHEN për të ndarë bukën sepse tradita e ndarjes së bukës tregon dhe një lloj, le të themi, serioziteti në një marrëdhënie me pozicione ashtu siç janë.
Mund të hajë edhe kryeministri me kryetarin e opozitës, ndajnë bukën, në pozicione të tyre kundërshtuese politike, po ndajnë bukën…Dhe ka respekt robi për bukën. BUKË! Ishim të ftuar për të ndarë bukën…! Ishim të ftuar në një mision, ishim të treja tryezat, të treja tryezat, ishte tryeza jonë, ishte tryeza e zëvendës ministrave, ishte tryeza e medias… Ishin tre media me gazetarë dhe me kameraman, dhe më vjen keq që EMAR Group nuk kishte ftuar ju si një nga televizionet më të mira, më dinjitoze në Shqipëri.
Jo, do ishte mirë ta shikonit, kaq. Ishim duke ndarë bukën në formën më miqësore dhe njerëzore, kaq, po ska rëndësi.
Discussion about this post