Damian Gjiknuri: Një herë në 100 vite vjen fati, dje kishim Ismail Qemalin sot Edi Ramën

Edhe pse na kanë “mbërthyer” fatkeqësi të njëpasnjëshme, siç është tërmeti dhe pandemia të cilat na kanë “ulur në gjunjë” dhe dërrmuar vërtet, Damian Gjiknuri na ofron jo vetëm shpresë, por ja kalon edhe Elisa Spiropalit me servilizmin e tij. Ky i fundit, i’u shpjegon vlonjatëve dhe sigurisht përmes tyre edhe të gjithë shqiptarëve se njëherë në 100 vjet qëllon e mira dhe fati i madh duke shtuar se dje kishim Ismail Qemalin, ndërsa sot Edi Ramën. Pra, sipas Damianit Shqipëria në këto 100 vite, ka lindur vetëm dy burra.

Për këtë arsye, Damiani bën pyetjen:

A duhet ta shfrytëzojmë ne këtë fat, që na ka ardhur në derë?

Normalisht që po, pse jo? Gjithë këto të mira që ka bërë për popullin shqiptar. Zoti paska menduar për shqiptarët, duajeni o njerëz dhe shtrëngojeni fort këtë “fat të madh”. Ndoshta ju duken të pabesueshme këto fjalë, por në videon që ilustrohet në vijim duket qartazi servilizmi i Damianit.