Pas kërcënimit të sotëm të kryetarit të PD Lulzim Basha se do të përjashtojë nga partia Sali Berishën dhe këdo i shkon pas, gazetari Arian Çani tha se përjashtimi i ish-liderit mund të ndodhë këto ditë.
Pjesë nga intervista në MCN Tv:
Lulzim Basha u thotë demokratëve zgjidhni, ose me Shtetet e Bashkuara ose me Sali Berishën. Pyetja që unë kam për të dy është, çfarë negocion zoti Basha me këtë rithemelim të marrëdhënieve të Partisë Demokratike me Shtetet e Bashkuara?
Çani: Negocion një rifillim të një marrëdhënie normale në perspektivë. I humburi nuk ka shumë marsh veprimi, ai thotë më lër këtu ku jam. Pika e fortë e Bashës janë amerikanët. Nëse amerikanët do rrinin neutral Basha nuk do ishte ky që është. Berisha e ka shumë të vështirë nëse nuk përdor forma presioni. Sot është data 17 nëntor, sot pashë që në Athinë kishin dalë miliona njerëz kundër regjimit të Juntës që erdhi në pushtet me ndihmën e amerikanëve.
Dua të them që ky popull ka memorie. Amerikanët që ndërhyjnë gjithandej e morën një përgjigje, unë nuk pres që ne ta bëjmë këtë. Por që Berisha të mos bënte Bashën të jepte dorëheqjen…Basha mund të jetë minoracë, por s’do të kthejë më kokën nga Berisha nëse do ta aprovojë apo jo. Prisni që këto ditë që Basha ta përjashtojë Berishën.
