Aleksandër Arvizu, ish-ambasadori i SHBA-së në Tiranë, tha për televizionin Euronews se ka pasur shumë përvojë duke jetuar në Shqipëri dhe duke komentuar ngjarjet politike atje. Ai tha se nuk është i njohur me kryetarin e Partisë Demokratike, Sali Berisha dhe se nuk mendon se duhet shpallur non grata nga partia.
Arvizu tha se nuk është i sigurt nëse vendimi i DASH-it ndaj Berishës është për informacion të paplotë apo për shkak se banka nuk është në vendin e duhur. Megjithatë, liderët e qeverisë dhe të opozitës mund të zgjidhen dhe emërohen vetëm nga shqiptarët, jo nga Uashingtoni apo ndonjë vend tjetër.
Kjo deklaratë vjen pasi ambasadorja Yuri Kim ka kërkuar vazhdimisht largimin e Sali Berishës nga politika dhe njeh Enkelejd Alibeajn si ushtrues detyre të kryetarit të PD-së, deputet i kësaj force politike, i cili nuk u zgjodh nga asnjë institucion partiak dhe nuk gëzoi mbështetjen e anëtarët e kësaj partie. Arvizu nënvizoi se shqiptarët duhet të trajtohen me respekt dhe se ata kanë të drejtë të zgjedhin liderët e tyre.
“Unë nuk përfaqësoj më qeverinë dhe nuk kam akses në informacion. E rëndësishme është të tregosh respekt për qytetarët shqiptarë. Shqiptarët e dinë se çfarë do të thotë të respektohen.
Edhe pse një vendim që merret nuk është gjithmonë i duhuri, njerëzit e kuptojnë domethënien e tij.
Sa i takon opozitës, mendoj se është me rëndësi që qytetarët të kuptojnë se këdo që zgjidhni për qeverinë dhe opozitën, nuk është vendim për SHBA-të dhe BE-në, por për Shqipërinë. Është qeveria juaj dhe opozita juaj.
Ne e vlerësojmë miqësinë dhe mbështetjen që shqiptarët japin në SHBA. Ndaj duhet të japim opinion me respekt.
Por, këto lloj vendimesh, se kush është në opozitë dhe kush duhet të jetë në qeveri, i takon shqiptarëve dhe jo Washingtonit apo Brukselit”, deklaroi ish ambasadori.
Arvizu shtoi se opozita shqiptare nga viti 2015 ka qenë e përçarë dhe “thuajse e thërrmuar”.
“E kuptoj kthimin e zotit Berisha. Që kur kam lënë Shqipërinë në vitin 2015, shqetësimi im ishte se opozita konservatore, nuk ka qenë konstruktive, thuajse është thërrmuar dhe përçarë. Kjo i ka hapur rrugë zotit Rama dhe socialistëve të konsolidojnë pushtetin”, tha ai.
