Kreu i PDK-së, Nard Ndoka deklaroi se grupet kriminale po largohen nga Rama. Ai shtoi se opozita e mirëpret votën e tyre. Ndoka thotë se nuk do të përdoren ashtu sikurse bënte kryeministri Rama.
Kreu i PDK-së, Nard Ndoka u shpreh në një debat televiziv se grupet kriminale po largohen nga Rama.
Ai shtoi se opozita e mirëpret votën e tyre, pasi nuk do të përdoren ashtu sikurse bënte kryeministri Rama me ta.
Deklaratat e kryeministrit Edi Rama se Ilir Meta takon skutave kriminelet që janë viktima të OFL për të marrë mbështetjen dhe votën e tyre si dhe të numrit dy të qeverisë Erion Braçe se opozita ka kontaktuar elementët më kriminalë në vend për t’i pasur si mbështetje më 25 prill, qënkan 100 përqind të vërteta.
Aleati i Bashes, me atë sinqeritetin e tij e ka rrëfyer këtë fakt, duke zbuluar 7 muaj para zgjedhjeve skenarin e thithjes se mbështetjes financiare dhe votës se kriminelëve, kohë e mjaftueshme për organet ligjzbatuese që të minimizojnë dëmin që mund të sjellë ky bashkëpunim mes politikës dhe krimit!
Ndoka: Rama ka bërë fushata marramendëse me para të pista. Pjesa e dukshme e financimit është probleme. Rama ka shfrytëzuar 10-fishin e buxhetit të shteti për fushatë. Edhe grupet kriminale janë larg Ramës sot. Grupet kriminale të rrinë në punën e tyre ose të përgjigjen para drejtësisë.
Edmond Bejtaj: Po ju shpresoni që të kalojnë ju, se ata nuk rrinë në punën e tyre?!
Ndoka: Më mirë të bëhen me ne dhe të votojnë për opozitën. E mirëpresim edhe votën e tyre. Ne nuk i përdorim si Rama, po votuan opozitën nuk ka ndonjë gjë të keqe. E djathta kurrë nuk është ulur me krimin. / Tema
