Alarmi/ 240 izraelitë u prekën nga COVID edhe pasi bënë vaksinën

Midis gati një milion izraelitëve të vaksinuar kundër koronavirusit deri më tani, rreth 240 izraelitë janë infektuar me virusin disa ditë pasi morën injeksionin, njoftoi të enjten Channel 13 Neës.

Shifra nënvizon nevojën që individët të vazhdojnë të mbrojnë veten e tyre për javë pasi janë inokuluar, pasi trupit i duhet kohë për të zhvilluar antitrupa efektivë kundër virusit SARS-CoV-2, i cili shkakton COVID-19.

Vaksina Pfizer nuk përmban me vete koronavirusin, që do të thotë se nuk ka asnjë shans që dikush mund ta kapë atë nga injektimi. Në vend të kësaj, vaksina përmban një pjesë të kodit gjenetik që stërvit sistemin imunitar të njohë proteinën në sipërfaqen e virusit dhe të krijojë antitrupa për të sulmuar nëse has në gjënë e vërtetë.

Por ky proces kërkon kohë, dhe studimet e vaksinës deri më tani kanë treguar se imuniteti ndaj virusit rritet vetëm nga 8-10 ditë pas injektimit të parë – dhe pastaj vetëm në rreth 50 për qind të efektivitetit.

Kjo është arsyeja pse doza e dytë e vaksinës, e dhënë 21 ditë pas së parës, është e rëndësishme: Ajo forcon përgjigjen e sistemit imunitar ndaj virusit, duke e çuar atë në efektivitetin 95% dhe duke siguruar që imuniteti të zgjasë. Ky nivel i imunitetit arrihet vetëm rreth një javë pas dozës së dytë – ose 28 ditë pas së parës.

Efektet anësore më të zakonshme të raportuara ishin dobësia, merrje mendsh dhe ethe, me 319 raste të kombinuara, tha ministria. Pesë gjithashtu raportuan se vuanin nga diarreja. 293 persona të tjerë raportuan simptoma të lokalizuara ku injeksioni ishte administruar si dhimbje, kufizim i lëvizjes, ënjtje dhe skuqje.

Katërmbëdhjetë njerëz thanë se kishin reaksione alergjike si kruajtje dhe ënjtje të gjuhës dhe fytit. Për më tepër, 26 njerëz vuajtën ato që ministria i përshkroi si “simptoma neurologjike”, me 19 që ankoheshin për një ndjesi të mprehtë në krahun e tyre.

Ministria izraelite vuri në dukje se vetëm 51 njerëz (0.008%) të atyre që raportuan se vuanin ndonjë efekt anësor thanë se kërkuan kujdes mjekësor për simptomat e tyre.